ERINIW
Qaraqalpaqsha
f. Jalkawlanıw, qosjaqpaw, jalıǵıw, zeriǵiw.
... asarına erinip, nar te kedey kerilip, yarına shınnan berilip,... («Máspatsha»).
Ermekbay eriner bárha, Júrek bawırın ezer bárha (Átesh).
Erinip barıp trubkanı aldı, Sóylep ketti ádetinshe bayaǵı (B.Ismaylov).
Há doslarım, doslarım, ele de bolsa erinbeń («Qırq qız»).
Kóp qıdır balam erinbe, Kóringen qızǵa berilme (A.Dabılov).
0 Erinbey xáreket etiw — jalıqpaw, zerikpew, jalqaw bolmaw, jalqawlanbaw.
Waqıyalar ústinde tınbay, erinbey háreket ete bersek, aqırı bir nátiyjege erisemiz (A.Bekimbetov).