IZZET
Qaraqalpaqsha
at. Sıy, ádep, húrmet.
Kórgende sıylaǵıl jası úlkendi, Izzetle, húrmetle kelgenshe qoldan (S.Nurımbetov).
Izzet penen iyilip sálem berip úyge kirdi («Qoblan»).
Sońǵı priyomǵa balıq tapsırıwǵa kelgende «miyman» dep kóbirek izzet etken sol kisi edi (K.Sultanov).
Men ornımnan turıp, kásipleslerime kúle shıray menen izzet kórsettim (M.Nızanov).
Esiktiń aldına kelgen Ájiniyazdı kórip ayran atlap otırǵan Gúlbiy túrgelip, izzet penen qarsı aldı (K.Sultanov).