ILDIRIW
Qaraqalpaqsha
f. 1. Asıp qoyıw, qıstırıw.
Nayzaǵa ildirip iynine saldı («Máspatsha»).
2. awıs. Kiyiw, jamılıw.
Qıltıldaǵan úsh jas jigit, bar jańa kiyimin ústine ildirgen (K.Sultanov).
3. awıs. Uslatıw, aldırıw.
Aǵalar, bir qus qashırdım, Hawadan súylin ildirdim (Ájiniyaz).
Ayaǵınan ildirmedi, Dushpanına sır bermedi (Berdaq).
4. awıs. Qosıw.
Usı Jiyemurat jaman boldı, bay bellardıń, qatarına ildirip jiberdi (Q.Irmanov).
5. awıs. Duwshar qılıw, giriptar qılıw.
Náletiy Gitler qanshama adamlardı sarsańkesek qılıp, apattılıqtıń, duzaǵına ildirdi-aw (T.Qayıpbergenov).
Erejep mıltıǵın oqladı da, iynine ildirip, úyden qáhárli shıqtı (K.Sultanov).
Tabısların teppe-teń bólisip, hár kim payın ashalı jıńǵıl jormallarǵa ildirip qayttı (T.Qayıpbergenov).