KEGIRDEK
Qaraqalpaqsha
q. gegirdek.
0 Qızıl kegirdek bolıw — oǵada qattı aytısıw.
YAǵnıy, úlkenler óz ara kelise almay, birewleri «birigip jasayıq» dese, ekinshileri «yaq, darawara jasaymız» desip qızıl kegirdek bolısıp atırǵan kúnler edi (T.Qayıpbergenov).
Kegirdekke suw búrkiw — urısıw, keyisiw, aytısıw.
Bári ámirdiń náádil buyrıǵı menen túpsiz qurdımǵa quyıladı, izi joq, sonsha túnlerdi uyqısız ótkergende tatarlar menen bashqurtlar arasında bir teńge ushın kegirdekke suw búrkip aytısqanda, qaltasına túsetuǵın paydası joq (T.Qayıpbergenov).