KELISIW
Qaraqalpaqsha
f. 1. Bir sózge keliw, wádelesiw.
Wádeni qızdıń aytqan waqtına kelisip, qol urısıp tarqasadı (qq.x.e.).
2. Pitimge, sheshimge keliw.
— Siziń menen bılayınsha keliseyik, siz kúyip-janıwdı, jılawdı qoyıńız, ... (A.Bekimbetov).
3. Riyzashılıq bildiriw, kóniw, kónligiw.
Demek keliskenbiz (A.Bekimbetov).
Buǵan Mámbet te kelisti (A.Áliev).
4. Bir nárseniń shaq bolıwı, jarasıwı, úylesiwi, babına túsiwi.
Kelbetiń kelipti, aǵa, kewliń bay, Tulparıń da kelisipti sayma-say («Qırq qız»).
5. Pikir alısıw, aqıllasıw, oylasıw.
Olar da Gúlaysha menen Qalbaydıń sózine tańırqanbastan kelisetuǵınların ayttı (T.Qayıpbergenov).
6. Kelbetiniń, sımbatınıń jarasıwı.
Qarasa sın-sımbatı kelisken bir jas kelinshek eken (qq.x.e.).
7. awıs. Babı tabılıw, retin tabıw, jónin keltiriw, júyin keltiriw.
... endi baqsı bolmasam kelispes regevdi aytadı (Q.Ayımbetov).... dushpannan taysalıp júriw maǵan kelise me? (Q.Irmanov).
0 Qáddi-qáwmeti kelisiw — sın-sımbatınıń jarasıwı.
SHopan qáddi-qáwmeti kelisken bir súlińgir jigit qálpine keledi (qq.x.e.).
Talabı kelisiw — unamlı, isi jónlesiw, onalıw, jónleniw.
Balıqshılardıń talabı kelisip, jılımdarı maylana basladı (K.Sultanov).
Talabı kelispew — unamsız, islegen isterinen nátiyje shıqpaw, baxıtsızlıqqa ushıraw, ómir boyı joqshılıqta, kemtarlıqta bolıw, azap-aqırette jasaw.
Kelispey hesh bir talabım, Qayǵıdan boldı toylarım (Jiyen jıraw).