KELTE
Qaraqalpaqsha
kel. 1. Qısqa, uzın emes; pás, páskeltek, kishkene.
Ol ózi kelte bolǵanlıqtan kishkentay ǵana bir attı saylap aladı (qq.x.e.).
Ertegim erte boldı, Qulaǵı kelte boldı (qq.x.e.).
... ózi kelte moyınlı jigit pe eken? (Q.Irmanov).
2. awıs. Kem, jetkiliksiz, pámsiz.
Iyninde kelte ton dizeń jappaydı, Qatıq ashshı, ayranǵa miyriń qanbaydı (qq.x.e.).
0 Kelte quyrıq — qısqa quyrıq.
Kelte quyrıqlar anasınıń izine erip, qalıń búklerdiń arasınan shıqtı (J.Aymurzaev).
Kelte salıq — jeńilletilengen salıq.
Aqılı kelte — awıs. aqılı kem, aqılsız.
Jasaǵanda qatınnıń aqılı kelte, shashı uzın («Qırq qız»).
Kelte qonısh — pámsiz, oysız.
3. Dial.
Awırıwdıń bir túri.
Kelte awırıwınan turǵanday túsi (K.Sultanov).