KISI I
Qaraqalpaqsha
at. Adam, insan.
Ashtan óler bolsań da, Kisiniń xaqın alma («Máspatsha»).
Bazarsız kúni satatuǵın eshek qarastırıp, eshek satatuǵın kisini taptı (Q.Ayımbetov).
Ol kisi qızın hám ulım, hám qızım dep tárbiyalay beripti (qq.x.e.).
0 Kisi xaqısın jemew — birewdiń hesh nársesine tiymew, qılap etpew.
Kisi haqısın jemesten, Birewge zorlıq etpesten (Jiyen jıraw).
Biymazalaw kisi — shataqlaw, jánjelpazlaw.
Anası káywana adam bolsa da, ákesi Tórebay biymazalaw kisi (K.Sultanov).
Aqsaqal kisi — a) úlken adam, kátkuda adam, jası úlkeygen adam.
... bolısı da bir nárse bere me — dep aqsaqal kisi jiberipti (Á.SHamuratov).
b) jası úlkeyip, shashı aǵarǵan adam, aq saqallı adam.
...chay iship otırǵanda aqsaqallı kisi kirip keldi (qq.x.e.).
Náshebent kisi — kóknar ishetuǵın adam, giyabent adam, kóknarshı.
Biraq, náshebent kisi taǵı Teńeldi tuttı (K.Sultanov).
Muńlı kisi — qapalı, qayǵılı, uwayımlı.
Ishki sırın bildirmegen Ayparsha, Onnan muńlı kisi bar ma dúnyada («Qırq qız»).
Sıqmar kisi — ishpeytuǵın, jemeytuǵın, hesh nárse shıǵarmaytuǵın zıqna adam, qattı, qızǵanshaq kisi.
Tábiyat degen sıqmar kisi, Onnan juwap alıw qıyın (I.YUsupov).
Eseygen kisi — jası birazǵa barǵan adam, úlkeygen adam.
Esimniń ... kelistirip sóylegen sózleri bizlerge táwir eseygen kisiniń aytkanınday sezildi (Á.SHamuratov).
Qızba qanlı kisi — birden qızıp ketetuǵın, eser adam.
Ol qızba qanlılaw kisi (J.Aymurzaev).