KÚYDIRIW
Qaraqalpaqsha
f. 1. Jandırıw, órtew, jaǵıw, tutandırıw, alıstırıw.
Seni patsha otqa kúydirip óltirmekshi, sen onnan qorıqpa (qq.x.e.).
2. Qızdırıw, ısıtıw, laplatıw, laplaw.
Qol urǵandı kúydirgen, Jalınday bolıp kelińler (R.Xojambergenov).
Álle qáytedi dep uwayım jep zorıqqan balanıń awızınan shıqqan ıssı lep, onıń betin kúydirip baratır (Ó.Ayjanov).
3. awıs. Qızǵanıw, ishin kúydiriw, ıza qılıw.
Xaqımdı bermediń, kúydirdiń Oraz, Túwesilmes bar ma meniń gúnayım (Omar).
4. awıs. Azaplaw, qıynaw.
Birewdi ulına, birewdi yarına ahıw-zar etip, júreklerin kúydirgen sen, urıs! (Ó.Xojaniyazov).