KÁPIR
Qaraqalpaqsha
at. din. 1. Musılmanlardıń túsinigi boyınsha islam dininen basqa dindegiler.
Kápirdiń qılǵan isine, Qınaptan qılısh aladı («Er Ziywar»).
Ishten shalıp kápir dáw, Belli ǵayrat qıladı («Qoblan»).
Jibermeydi ol kápir, Árman menen óltirdi («Qırq qız»).
2. awıs. Dinnen bas tartqan, dinnen qol úzgen, dinnen bezgen, jalǵan, nadurıs, qáte, natuwrı, opasız, wádesin buzǵan.
Seniń kóziń qantalap ketti, qádimgi kápir qılıǵıń,... (Q.Irmanov).
— Áy kápir, nege jalǵan sóyleyseń? (K.Sultanov).