KÁRUAN
Qaraqalpaqsha
at. 1. SHólde, qula dúzde sawda-satıq, zat almaslaw maqseti menen, sonday-aq, júk hám adamlardı tasıytuǵın kóliklerdiń (túyelerdiń, atlardıń, esheklerdiń, júk mashinalarınıń) uzaq saparǵa jol alǵan toparı.
... shopan terisin qolına uslap, qoyın baǵıp tursa, joldan ótip baratırǵan kárwandı kóredi (qq.x.e.).
Qaraqumnıń ishinde kárwan tartqan kárwanshılardıń túyeleri de ıssı menen ırsıldap júrip kiyatır (J.Aymurzaev).
2. Kárwanlardıń sap turıp, biriniń izinen biri qatarlasıp júriwi.
Aspanında kepter kanat qaǵadı, qaǵadı, Jollarında xalıq kárwanı aǵadı, aǵadı (I.YUsupov).
3. Júk tiyelgen transporttıń sap tartıp júriwi.... qay bir arbalar shıyqıldasıp jolǵa dizilip kárwan bolıp jol tarttı (Q.Ayımbetov).
Sút tasıǵan mashinalar baradı.
Saltanatı kárwan menen barabar (T.Seytjanov).
4. awıs. Quslardıń yamasa basqa da haywanatlardıń bir jaqtan ekinshi bir jaqqa awısa qatar-qatar bolıp júriwi, sapar shegiwi, júriwi, ushıwı, dizbeklesiwi.
Baylar balıqlardı,... kárwan-kárwan etip qır menen qısı-jazı Orenburgqa úzliksiz jiberip turdı (Q.Irmanov).
Jıl quslarınıń arqaǵa kárwan tartqanına kóp waqıtlar bolǵan joq (SH.Seytov).
Kók júzine kárwan dúzip tırnalar ushtı (J.Aymurzaev).
0 Ullı kárwan — aldaǵı, qatardaǵı, saylandı adamlar.
Sap tartqan ullı kárwanlar, Tanıldı dúnyaǵa is penen (T.Seytjanov).
Qızıl kárwan — a) bir topar saylandı adamlardıń toparları, shólkemleri.
b) paxta, salı, biyday, ovoщ hám taǵı basqalardıń birinshi ónimin saltanatlı túrde qabıllaw punktlerine jiberiw.
«Aq altınǵa» malınıp, Qızıl kárwan kiyatır (K.Sultanov).
Kárwan kóshiw — kárwannıń bir jerden ekinshi jerge kóterilip ketiwi.
Iyt úrer, kárwan kósher, Úre-úre úni ósher (Q.Irmanov).
Kárwan jol — kárwanlardıń júretuǵın jolı.
Bul kárwan jol (T.Qayıpbergenov).
Kárwan bası — kárwanlardı basqarıwshı.
Bekmannıń tabanı qalaǵa tiyiwden, aspıp-entigip, kárwan basıǵa keldi (B.Bekniyazova).