LAP

Qaraqalpaqsha

II: lap etiw f. Sózdi kótermelep aytıw, kúsheytip bayanlaw, ulǵaytıw, bórttiriw. Oylap, Berdimurat, aytqıl sózindi, Kótermey lap etip qurı ózindi, Qızartpaǵay birew seniń júzindi, Qoldan kelse xızmet isle xalıq ushın (Berdaq). Ózindi usatıp Qudaynazarǵa, ámeliy dal etip kelgen usaysań (qq.x.k.).

III: lap etiw f. Ottıń hám basqa da nárselerdiń tez janıwı, birden alısıp ketiwi, ǵawlawı, órteniwi. Otqa shırpını taslawdan lap etip alıstı («EQ» g.).

IV: lap urıw f. Basqaǵa qarsı daw etiw, qarsılıq etip sóylew, qır kórsetiw, basqalardı esapqa almaw, ózin joqarı sanaw, maqtanıw. At basınday som júrek, Mennen saǵan sóz kerek, Lap urasań sonshama, Ańlap sóyle, bádirek («Máspatsha»). Batır bolsań keliń dep, Ortada lap uradı («Er Ziywar»). Bunsha nege lap urasań, kel, ayanba, biz benen alıs («Alpamıs»).