LÁRZEM
Qaraqalpaqsha
at. 1. Jaylardıń túbin yamasa basqa da zatlardıń ızǵar alıwı, lámleniwi.
Túnek ılay diywaldıń lárzem alıwına sál qaldı (T.Qayıpbergenov).
2. Júy beriwi, shıǵnawı jarılıwı, ayırılıwı.
Jerler lárzem beredi, Eki batırdıń sestine («Alpamıs»).
Qatqan jer erip, tońlap tumlı-tustan lárzem beredi (J.Aymurzaev).
3. Tap beriwi, belgi beriwi.
Gúrsildegen úyler gúńirenip lárzem aldı (SH.Seytov).
4. Tásirleniw, tásir etiwi, sebep bolıwı.
Tumlı-tustan lárzem alıp, tarap ketti tún qamalı (J.Aymurzaev).
5. awıs. Tıskarıdan bolǵan qarsılıq, zaqım, zıyan, zálel.
Jalınlanǵan ishten háwirim, Lárzem alıp ezilip tur bawırım (A.Dabılov).