MIY
Qaraqalpaqsha
at. 1. Adamzattıń hám janlı-janıwarlardıń nerv sistemasınıń oraylıq bólimi — bas súyektiń hám omırtqalardıń, tútiksheleriniń ishin toltırıp turatuǵın aq zat, oylaw organı.
Bas miyi.
Miyi qozǵalıw.
2. awıs. Aqıl, oy.
Qızlar meniń at jolımdı sorasań, Janım bar da aqıl menen miyim joq («Qırq qız»).
0 Miyin jew — miyin tesiw, izinen qalmaw.
Miyin qatırıw — bir nárseniń izinen qalmay, qayta-qayta ayta beriw, dıńǵırlay beriw.
Miyge qonbaw — aytılǵan sózge túsinbew, aytılǵan nárse yadında qalmaw.