NEKE
Qaraqalpaqsha
at. Jana úylengen adamlardıń, erli-zayıplılardıń arasındaǵı, erli-zayıplı bolǵanlıǵın rásmiy túrde nızamdastırıw isi, shártnama.
Jańa dáwirdiń hayalı bolǵan menen qaraqalpaqshılıq etip, dáslepki nekege qıyanet ete almay júrgen qusaydı (T.Qayıpbergenov).
f. 0 Neke qıyıw — basın baylaw.
Qońıratlı sol qızǵa bardı, Alıw ushın sózin saldı, Neke qıyıp qızdı aldı, Bunı men kóz benen kórdim (Berdaq).
Neke salıw — nekelew, nekesin qıydırıw.
Jas edi barlıq alǵanı, Sırtınan neke salǵanı.
Jıladı zorlap qılǵanı, Kóbi azapta ólgen eken (Berdaq).
Neke túsiw — xayal alıwǵa yamasa birew menen birewdiń qosılıwına sháriǵat boyınsha neke qıydırıwǵa bolatuǵın adam.
Záriwlikte tórt qatın, al perzent judalıǵı ushın altı qatınǵa shekem neke túsedi (K.Sultanov).
Nekesin buzıw — erli-zayıplılardıń nekelerin ajıratıw, bóleklew, ayırıw.
Neke sarayı — erli-zayıplılardıń bir-birine qosılıwın rásmiy túrde nızamdastıratuǵın saltanatlı ornı, shártnama beretuǵın imarat.
Neke júzik — tazadan qosılısıp atırǵan erli-zayıplılardıń nekeleskendegi qollarına salınǵan júzik.