NUR
Qaraqalpaqsha
at. Bizdi qorshaǵan dúnyadan kóz arqalı qabıldanatıǵın sáule, jarıq, shuwaq.
Quyash jarqırap óziniń altın nurın jerge tógip turǵanı bolmasa, búgingi ayaz keshegiden beterirek (T.Qayıpbergenov).
Nur quyıw — nur tógiw, nurlandırıw.
Kókte quyash nur quyǵanda kúlimlep, Birte-birte kókshil dóńgen say-sala (I.YUsupov).
Nur shashıw — jaqtı beriw, jaqǵılandırıw, nurlandırıw.
Nur quyash — nurlı quyash, quyashtıń nurı, shuwaq.
Meniń gózzal Uatanımnıń jerine, Nur quyashın shashtı baxıt báhári (J.Aymurzaev).
Nur tamıw — awıs. Nur quyıw, nur jawıw.
Júzinen nur tamǵan sulıw sımbatlı, Sonday atı shıqqan qızǵa bar, balam (A.Dabılov).
Nur tógiw — awıs. Kúsh-quwat beriw, baxıt beriw.
Nur qaplaw — awıs. Nurǵa bóleniw, nur tógiw.
Nur qapladı «Qırq qızdıń» sol «qalasın», Baǵıp turǵan mınaw bozdıń dalasın (T.Seytjanov).
Nur jawıw — jaqsılıq bolıw, iygilik bolıw.
Nur jaynaw — jadıraw, jarqıraw.
Jaqsı adamǵa Alla taalanıń nurı jawadı deytiǵın edi, demek, bul da jaqsı adam eken de! (M.Nızanov).