ONLÍQ
Qaraqalpaqsha
at. 1. On sannan ibarat bolǵan san.
Ál-Xorezmiy «nol» sanın, onlıq sanaq sistemasın xám de kublar koordinataların birinshilerden bolıp tiykarlap bergen xám ámeliyatqa engizgen (gazetadan).
2. Mólsheri on bolǵan topar.
Globalizatsiya dáwirinde qáliplesken geoekonomikalıq keńislikte jáhán elleriniń sawda-satıq aylanısı joqarıladı, sonıń ishinde birinshi onlıq toparına kiretuǵın mámleketlerdiń pozitsiyası global ekonomikasınıń barlıq sferalarında kúsheymekte (jurnaldan).
3. Aqsha birligi.
Satıwshının aldına bir qızıl onlıqtı shıǵarıp qoyıp edi, joldası dım úndemey kaldı (gazetadan).
4. tar.
s. gón.
s. On xojalıqtıń ústinen qaraytuǵın basshı, on xojalıqtı basqarıwshı.
0 Onlıq bólshek — bólimi on sanınıń pútin dárejesi bolatuǵın bólshek.
Aldın aytkanımızday, rańional sanlar ústinde, tiykarınan shekli onlıq bólshekler ústinde orınlanatuǵın ámeller hám olardıń qásiyetleri málim dep esaplaymız («Matematika» sab.).
Onlıq shıra — jaqtılıǵın, piligin hám may mólsherin belgileytuǵın shıra.