ORÍNLÍ
Qaraqalpaqsha
kel. Durıs, retli.
Bul júdá orınlı tapqırlıq (G.Esemuratov).
Kútá orınlı, xanımız, — dep quwatladı shayıq (T.Qayıpbergenov).
— Sizlerdiń tartısıńız kútá orınlı, — dep kúldi ol (T.Qayıpbergenov).
Biz geyde kelispeymiz, Qalay da orınlı bul, Biraq ta, keyispeymiz (T.Mátmuratov).
Hámme endi qajı axunǵa qaradı: «Hámmege ol isenimli, orınlı gáp aytadı», — dep dáme etken bolıwı kerek (Á.Paxratdinov).
Kim birewdin háulisine iyesiniń ruqsatısız názer taslasa, xáwlinin iyesi sol adamnıń eki kózin oyıp alsa, orınlı (T.Qayıpbergenov).
Ne de bolsa bay tábiyat enshisine tiygen shomanaylılar orınlı túrde maqtansa arzıydı degen sezim menen izge qayttıq (M.Nızanov).