OSHAQ
Qaraqalpaqsha
at. 1. Ústine qazan asılatuǵın, ishine ot jaǵıp awqat pisiriw ushın arnalǵan zat.
Qazan oshaqtan túsirildi («Ámiwdáriya» j.).
— Tap usı demde qazanda pisip atırǵan sút birden tasıp, qaqpaqtı kóterdi de, oshaqqa tóǵildi (T.Qayıpbergenov).
Keshte bir qızdırıp alamızda, oshaqtı topıraq penen kómip taslaymız (M.Nızanov).
2. awıs. Xojalıq, semya moynına oshaq túsiw.
3. awıs. Bir nárseniń toplanǵan jıynalǵan jeri.
Úlken oshaqqa aylanıw.
0 Úsh putlıq oshaq — úsh ayaqlı temir oshaq.
Qazaq, ózbek, qaraqalpaq — úshewi, bir oshaqtıń úsh putınday awıllas (A.Dabılov).
Bilim oshaǵı — bilim orayı, bilim taralatuǵın jer, sawatlandıratuǵın orın.
«Taza kúshte» mektep bilim oshaǵı, Jas áwladlar menen toldı (I.YUsupov).
Jer oshaq — jerden qazıp ielengen oshaq.
Jer oshaqta ot pısqıp atır («Ámiwdárya» j.).
Temir oshaq — úsh ayaqlı dóńgelek temirden islengen oshaq.
Tandır oshaq — ılaydan tandırǵa usatıp ielengen oshaq.
CHay oshaq — quman, dúmshe qoyıp suw kaynatatuǵın oshaq.