PARLAWSH
Qaraqalpaqsha
f. 1. Janıw, alısıw.
2. Aǵıw, tamıw.
Barmayman dep aqsham kúndiz zarlaydı, eki kózden qanlı jası parlaydı (A.Dabılov).
Jas qalay bolsa, solay parlap baratır (T.Qayıpbergenov).
f. 1. Jarqıraw, ashılıw.
Sóz júyesin kelistirip turǵan kelinshektiń, kózi parlap tur (Ó.Ayjanov).
Biz on altı siziń shıraq bolarmız, Parlap turǵan baxıt bolıp qonarmız (A.Dabılov).
Tas gerbishten salınǵan jay, qat-qat ójireler jáne anaw tas tebende parlap turǵan ǵáwharın aytsań-o! (Á.Atajanov).
2. Dúrildew, pırıldaw.
Hár bir parlap ushıp kóterilgen qırǵawıl menen júregimdi qıtıqlap ózin shaqırǵanday edi (T.Nájimov).
3. Qurıldaw, qarıldaw, pırıldaw, pısıldaw.
Máspatsha xannan xabarsız parlap uyqılap jatırǵanın kórdi («Máspatsha»).
4. Jırtıw, ayırıw, bóliw.