PILTE
Qaraqalpaqsha
at. 1. Paxtadan shıyratıp ielengen jińishke zat, pilik.
Qanshama may kuysań da piltesiz sham janbaydı («Er Ziywar»).
Nurjamaldıń qulaǵı erbeń etip, piltesin taslay saldı (K.Sultanov).
2. Mıltıqtıń ishindegi dárini alıstırıw ushın salınǵan paxta, jip.
Sebil qalǵır mıltıqtıń.
Jılqı kuwǵan jerlerde, Piltesi túspp qalıptı (Berdaq).
3. Piltejip — paxtadan sabakdanǵan jip.
Júz adımday izinde, ústi-bası órim-órim, qap-qara kir, basında pilteleri ırjıyıp tozıwı jetken tóne takıya... (N.Dáwkaraev).