PUL
Qaraqalpaqsha
at. 1. Sawda yaki tólew islerindegi baha, nırq, arza xám qımbat ólshewi bolǵan metall yaki kaǵaz belgi, aqsha.
Olar bir kúni pul shıǵarısıp otırıspa shólkemlestiriwdi oylastı (Q.Ermanov).
Awılımda bir márte abıraylı et meni, ortadaǵı bayraq ta seniki, xalıqtan túsken pul da seniki, bir márte jıǵılıp ber, dep qıyılıp turıp aldı (M.Nızanov).
Bosaǵan úsh bokaldı pul menen qosıp qolına uslattı (M.Nızanov).
...hátte burın onı úyinde qondırǵanlar, esiginiń aldına kelgende diywana dep ayap qorjınına dán, nan, pul salǵanlardıń bári de, onıń keshe xaqlap el aralaǵan qálenler ekenin qıyalına da keltirmedi (T.Qayıpbergenov).
2. Baylıq, kapital.
Hámellige, pulı kópke jaltaqlamaysań, erteń ne ishemen, ne kiyemen dep te bas qatırıp otırmaysań, nervińdi sharshatıp, jumıs islemeyseń (A.Ábdiev).
Doslarım, «lud hámmeni oynatadı», «altın kórse perishte joldan shıǵadı» degen eki danalıqtı bilesiz (T.Qayıpbergenov).
3. awıs. Bári bir, bazbayaǵı, bir tıyın.
Isimiz sizge túshipti, Basqalar bir pulsha joq (N.Dáwkaraev).
0 Bir pul bolıw — awıs. Kúyip ketiw, bosqa ketiw, paydası bolıw.
Bir pul — awıs. Bári bir tásiri joq.
Dúnyanı suw alsa da úyrekke bir pul (qq.x.n.).
Etigiń tar bolsa, jerdiń kendigi bir pul (qq.x.n.).
Bizden burın neshe zamanlar boldı, Ótken dúnya bir pul shelli kórindi (Berdaq).
Biraq, meniń bul ashıwlanǵanlarım Almagúlge bir pul edi (T.Qayıpbergenov).