SAWAL
Qaraqalpaqsha
at. (a.
— soraw, iltimas).
1. Juwap alıw ushın aytılatuǵın táp, soraw.
Qızǵa ayttı patsha sonda, — Kelipsiz sulıw, bulmanǵa, Aytarlıq neńiz bar xanǵa?... Dep bir sawal qoyǵan eken... (Berdaq).
Mázi bir sawalım bar edi sizge, Bir qosıǵıńız bárha oy salar bizge (I.YUsupov).
«Bas qattı ma, tas qattı ma?» degen sawalǵa «bas qattı» degen ǵoy danalar (T.Qayıpbergenov).
Bir máhál ol náwbettegi sawaldı oqıdı (M.Nızanov).
2. Imtixan biletinde jazıp qoyılǵan, juwap beriw zárúr bolǵan temalar atı yamasa shınıǵıw, másele.
Maǵan da sol sawal tákirarlandı.
— Aristotel, Platon, Gertsen, Eynshteyn, Nobel... (M.Nızanov).