SABAN
Qaraqalpaqsha
at. Salı, tarı, biyday, arpa hám usı sıyaqlı basqa eginlerdiń paqalı, jergilikli imarat qurılısında hám ot-jem ushın paydalanılatuǵın ónim.
Jer tólege tósew ushın salınıń sabanların tasıdı (J.Aymurzaev).
Tórde, sabannıń ústinde jatırǵan Bektemirden basqasınıń bári órre-órre turdı (T.Qayıpbergenov).
Bizler jeti balanı sabannıń ústinde tuwıp-aq kele qılıp edik (M.Nızanov).