SALA
Qaraqalpaqsha
at. 1. Tarmaq, arna, ańǵar.
Jolatpay onı qalaǵa, Eki ólikti dalaǵa, Qarǵa jıynalǵan salaǵa, sol máxál taslaǵan eken (Berdaq).
Jerim qarabaraq teniz jaǵası, Otırǵanım Kókózektiń salası (Átesh).
Kókózektiń, Esimózektiń, Qarabaylınıń salaları kuysa kerek (K.Kárimov).
2. Ashıq maydan, alań, dala.
Úsh ay shabıs áyne eǵis waǵında, Keń salada tarı egip júr edim («Máspatsha»).
0 Qoldıń salası — alaqannıń, qoldıń kólemi.
On sawsaǵın oń qolıńnıń salası, Qashıq emes ekewinin arası (Berdaq).
Sala qulash — uzın, úlken, náxán.
Aytqanım sózdiń ırası, Berdaqgın qabıl kóz jası, sala qulash hár bir bası, Názer saldı «quda» bizge (Berdaq).
Sala qulash sarı sazan, Sorpası boldı bir qazan (J.Aymurzaev).