SAYA
Qaraqalpaqsha
at. (p.
— kóleńke).
Kún, jaqtı túspeytuǵın tárep, kóleńke.
Nege tınısh jatpadım men, qara taldıń sayasında (I.YUsupov).
Bir putanıń sayasında úshewi otıra ketti (K.Sultanov).
Jigipiń qolı endi pıshaq sabın uslagan payıtta dúkán esiginde báxaybat saya payda boldı da, izinen gúrkiregen juwan dawıs esitildi (K.Kárimov).
Hámme qolların mańdayına saya qılıp, kúnniń astı menen «Kókózek»ti jaǵalap kiyatırǵan eki jolawshıǵa názer burdı (T.Qayıpbergenov).
0 Saya bolıw — járdem beriw, jaqsılıq islew.
Bizler saya bolıwǵa arqamız tar (K.Sultanov).
Siz ózińiz baytereksiz, Salqın ǵana sayalı, Biz sayańda puqarańbız, Hámirine opalı (I.YUsupov).
Alpamıs uyqıdan turǵan, terektiń sayasındaǵı átkónshekte ján-jaqqa jawtanlap qarap jatırǵan eken (M.Nızanov).
Sayasın awlaq salıw — jaqınlamaw, zıyanın tiygizbew, ketiw, járdem bermew.
- Dúnya, ǵáziyne bayda bar, Onnan bizge ne payda bar? Sayańdı mennen awlaq sal, Beti qara bolǵan atam (Berdaq).
Saya salıw — járdem etiw, jaqsılıq islew.
Bul basıma saya salǵay bir Allam, isimde bolmaǵay xesh waqıt shalam («Qırq qız»).
Sayasın salǵan paqırǵa, Suwlar jetkizgen taqırǵa, Aqsaq, mayıp xám soqırǵa, Qayır etken maǵan kerek (Berdaq).
— Ullı xan saya salsa, biz qılt etpey bas iyemiz, miymanlarım (T.Qayıpbergenov).