SAǴA
Qaraqalpaqsha
at. 1. Dárya yaki japtıń baslanǵan jeri, tárepi, yaǵnıy suw alatuǵın jeri.
Izbasar bahadır Qońırat urıwı ústine jigitlerin baslap barǵan soń ekige bólip bir toparına uyqıdaǵı awıllardan mal aydattı, ekinshi toparın ózi basqarıp, japlarınıń saǵaların kómdirgen edi... (T.Qayıpbergenov).
Túslik jagında Kegeyli jaqın bolsa da Lar ózegi Kegeyliden emes, al Ámiwdáryadan saǵa alatuǵın Kókózekten bólinetuǵın edi (K.Kárimov).
2. awıs. SHıqkan jeri, orayı.
Toy Murat shayıq awılınan jetim Amandıqtıń kelinshek túsiriw toyınan saǵa alıp, bir-birine ulasıp ketti (T.Qayıpbergenov).
Olardıń bári Áwez xoja iyshannan saǵa alıp, bir qıylı ǵáp aǵızıp júrgen bolsa, tezirek girkiresin kótersin (T.Qayıpbergenov).