SEBEP
Qaraqalpaqsha
at. (a.
— báháne, sıltaw, dálil).
1. Qanday da bir (kewilli yamasa kewilsiz) is-háreket, waqıya, qubılıstıń júzege keliwinde, iske asıwına tásir etken basqa bir faktor, qubılıs.
Sebep bolıp barsan qırǵa, Mingizedi jaydaq jorǵa (Átesh).
«Bárin serlep júr eken-aw!» — dep, jigit endi jańadan báne-sebep izledi (K.Sultanov).
Maman kútá sabırlılıq penen sóylep, kelgen sebebin túsindirip edi, «wa, yasha» dep jiberdi Allayar (T.Qayıpbergenov).
Buǵan da Nesiybeliniń usı úyge ákeliniwi sebep boldı (SH.Seytov).
2. Filosofiyalıq termin.
Álemniń háreketi yamasa qanday da bir waqıt dawamında bolǵan ózgeristen soń ekinshi basqa bir nátiyjenin zárúrli kelip shıǵıwın támiyinlewshi tiykarǵı qubılıs.