SEBEPKER
Qaraqalpaqsha
at. (a.
+p.
— sebep bolıwshı, ayıpker).
Sebep bolıwshı, tásir etiwshi.
Buǵan kim sebepker? Álbette urıs, álbette nemis shirkinler (Ó.Xojaniyazov).
Bir sebepker jalǵız Alla, Ferdawsıyday dana bar ma? Túsindirer, «SHárqi molla», Men alımlıq izler edim (Berdaq).
Biymezgil ólimine xan sebepker bolǵan Tóremurat suwpı, Aydos biy, Begis, Mırjıq batır, Írza, Tóre — xámme kóz aldınan birim-birim zarlanıp ótti (K.Sultanov).
Bul kishipeyil jigittiń keshigiwine, arqa juwısıp, men sebepker boldım-aw, dep asıǵıp, jolǵa qaray juwırdım (T.Qayıpbergenov).