SEBEPLI
Qaraqalpaqsha
1. kel. Qanday da bir waqıya, qubılıs tásirinde júz bergen, qanday da sebepke tiykarlanǵan.
2. tir.
Ushın, aqıbetinde, sebepten.
Jumabay jigirma beske shamalasqanı menen ári bay balası atanǵanı sebepli, ári mayıplıǵı sebepli, óz qatarları menen bos waqtında da oynap-kúliwge jasqanıp, tek anasın aylanıp óskenlikten, elege shekem angódek balalarǵa uqsaytuǵın edi (T.Qayıpbergenov).
Onıń ústine, bazarda biziń gúrji sebepli kóterilgen shawqım da janıma egewdey batıp, tula bedenimnen muzday ter shıqpaǵa qaradı (M.Nızanov).