SMENA
Qaraqalpaqsha
at. (r. — almasıw, basqasınıń ornına keliw).
1. Orın almasıp islewshi, oqıwshı, dem alıwshı hám t.b.
adamlar toparınıń basqa adamlar toparı menen almasıwına shekem dawam etetuǵın waqıt dáwiri, gezek.
Eger jańadan kelgen adam áskeriy mayıp bolsa, smenam pitse de qasında otırıp qala berermen (T.Qayıpbergenov).
— Xojeyinińiz keshki smenada isley me, kórinbeydi? — dedim iymenińkirep (M.Nızanov).
2. Bir waqıtta islewshi xızmetkerler, oqıwshı, dem alıwshı xám t.b.
adamlar toparı.
Tashkent tańı nurǵa tolar, Azat miynet tańı bular, Aǵar tasqın kolonnalar, Tashselmashtıń smenası, Keler batıl qádem basıp (I.YUsupov).