SOZÍLÍW
Qaraqalpaqsha
f. Deneniń, waqıyanıń tiykarǵı jaǵdayınan ózgerip uzayıwı.
Ortada sozılıp jatırǵan óliniń úreyi ushın hámmesi parasat saqladı, bolmasa, bir Esengeldi emes, báriniń de ishi pisip, kóp kópirip turǵan jasawıldı qaǵındırıp jiberetuǵın xalda (T.Qayıpbergenov).
Siren gúller arasınan say quwıp, Sozılǵan jol ústinde jurt qımquwıt.
Jaslıq jırı «Ayna kólden» jańlaydı, Ǵarrı shaxtyor júr ánekey gúl buwıp (I.YUsupov).
Oń qolı múyiz dástege sozılıp (K.Kárimov).
— Jáne qansha júremiz? — dedi aldımda sozılıp atırǵan uzınnan-uzaq gúzar jolǵa kóz tigip (M.Nızanov).
Kerisinshe, jáne otız jılǵa sozıp, tiyisli pulın tólep kettim (M.Nızanov).
Bul abırjı geyde bes-altı kún bolıp, geyde ayǵa sozılıp ta ketedi (K.Sultanov).
Meyli, dostım, kewlin seniń qalmasın, Gúllerindi qoshantaylar julmasın.
Bir maydannan sabaǵıma ketemen, Oyın kópke sozılatıǵını bolmasın (I.YUsupov).
Orıs qorǵanınıń qurılısı sozılıwına baylanıslı Kishi júzge adam kúshi salınǵan eken (T.Qayıpbergenov).