SONÍ
Qaraqalpaqsha
alm.
Onı, sol nórseni.
— Aytqanıńız ras, Záriw, sonı isleyik biz dárriw, Bunday xallarda kún kóriw, Bizge múshkil — degen eken (Berdaq).
Ótirik sózdi sóylep keler, Men sonı hárgiz súymeymen (Átesh).
«Erjan sonı izlep júr» deydi (K.Sultanov).
Meyli, buyırǵanın asasın hár kim, Ómir sarań emes, lekin — esapdan, Ómir diyqanǵa da usaydı bálkim, Naqıl bar «ne ekseń, sonı orarsań» (I.YUsupov).
Eshniyaz axun ne buyırsa, sonı islep júredi (T.Qayıpbergenov).
— Eń jamanı — xákim ne islese, tómendegiler de sonı tákirarlap otıra beredi deydi (M.Nızanov).
SONÍKI alm.
Sol zattıń, sol buyımnıń, sol adamnıń.
Adam bolsa, jat sanaydı onı kim? Xalqımız bir xojalıqtay jasaǵan, Bizikine kim kelse, — úy sonıki, Qayda barsam, — óz úyim óz bosaǵam (I.YUsupov).
Qáne hámmenin kewli sonıkindey bolsa... (T.QAYÍPBERGENOV).