SORPA
Qaraqalpaqsha
at. Góshtiń qaynatılǵan suwı, suyıq awqat.
Arzannıń sorpası tatımas (qq x.n.).
Keshe taza sorpa ishsin dep, bir sazan ákeldim (K.Sultanov).
Joram ulın ertip kirdi qoraǵa, Biraq ta, qoy soydırmadım jorama, Tawıq sorpa, az-kem araq suwıqta, Pay, ketedi-aw gúrriń qızǵan arada! (I.YUsupov).
Gúrtik salıwǵa kóp qárejet bolmasa da, qazanǵa salınǵan bir qısım júweri unı sorpanı pal tatıtıp jiberipti (T.Qayıpbergenov).
Qonaq shaydı kesaǵa sorpa quyǵanday toltırıp quydı (M.Nızanov).
QAN SORPA BOLÍW s. Urısıw, aytısıw, qızıw, terlew.
Hár kimnen qalǵan kuwırdaktın gil kalǵındı shóbirelerine talasıp, qan sorpa boladı (K.Sultanov).