SOŃǴÍ II
Qaraqalpaqsha
tir.
Keyin, izinen.
Keleshekti úmit penen boljaǵan, Urıstan sońǵı jıllar edi ol zaman, Otsız jayda jazıwǵa qol juwıspay, Dáwetińe quyǵan sıyań tońlaǵan (I.YUsupov).
Jandos baydıń bunnan sońǵı gápi Qońırat urıwınıń «tariyxı» boldı (T.Qayıpbergenov).
SOŃǴÍLÍQ ráw.
Keleshek, aqırǵı waqıt.
Bul nárse sońǵılıqta ózińizge úlken sabaq boladı (A.Bekimbetov).
Sońǵılıǵın oylap artın alıp ta qaldı (M.Abdireyimov).
SOŃ-SOŃ ráw.
Bara-bara, kele-kele, keyninen.
Soń-soń qosıq aytıw da umıtıldı (T.Qayıpbergenov).
Soń-soń eti qızıp burınǵısınday bolıp ketti (A.Áliev).
Biz onıń menen altı ayǵa deyin dáslebinde háptede bir ret, soń-soń kún ara gewgimletip ushırasıp turdıq (M.Nızanov).