SUWÍN I
Qaraqalpaqsha
at. Arqada jasaytuǵın shaqı putakdı yaǵnıy ayrı shaqlı, qos tuyaqlı, gúyis qaytarıwshı, sút emiziwshi haywan.
Qırda suwınnıń múyizine ursań, oyda sıyırdıń múyizi sırqıraydı (naqıl).
Kumırsqa bel me, tıshqan iz be, suwınnıń shaqı ma, qısqası qaysı dáskedegi naǵısqa zeyin awdarsan da, «men qalayman?» dep barlıq ónerin otawǵa kelgen qonaqqa sınatıp turǵanday jalt-jult etedi (K.Sultanov).
Men suwın bolıwdı árman etpeymen, Ayttım tek te seni súygenligimnen, Abxaz tábiyatınıń ıshkısında men, Dostım Gego yańlı kúygenligimnen (I.YUsupov).
Olardıń ishinde taw arqarı, ayaǵın sozıp jatırǵan arıslan, shakdarı putaq-putaq bolıp ketken suwın, jáne men tanımaytuǵın álle kimlerdiń byustleri bar edi (M.Nızanov).