SUQPÍ
Qaraqalpaqsha
at. (a.
— jun gezleme).
Qudayǵa berilgen, din jolına túsip bul dúnyanıń mashaqatınan keshken, axun-iyshanǵa qol bergen adam.
Hár kim suwpı bolsa nápsi kem bolar, Kewili ólip, halı jayda gúm bolar (Ájiniyaz).
Berdimurat suwpı boldıń, Sen kimlerge usas boldıń? Mudam elge nesip quwdıń, Nesip bolmadı aqıbet (Berdaq).
— Bul kisi awılımızdıń abıraylı aqsaqalı Ótep molla degen, — Teńel suwpı qudalardan keshirim sorap, óziniń dilwarlıǵın sezdirgisi keldi (K.Sultanov).
Onıń tura beretuǵının bilgennen keyin suwpınıń ózi kelip qızdıń óńir túymesin jazdırdı (T.Qayıpbergenov).