SÍYLAW
Qaraqalpaqsha
f. 1. Húrmetlew, qádirlew, izzet kórsetiw.
Sıylaǵandı sıyır bilmes, sıypaǵandı eshek bilmes (qq.x.n.).
Duwrı tutsań niyetińdi, Xalıqqa bursań betińdi, sıylasań ǵárip-jetimdi, SHın azamat boladursań (Berdaq).
Ata sıylaw, ana sıylaw — parızıń, tóle zańǵar, aq sút bergen qarızıń (T.Jumamuratov).
Kempir qansha ashıwǵa minse de, erin sıylap, bedenine qol tiygizbedi (K.Sultanov).
Íshqı otında janın qıynay bilmegen, Azamatlıq arın oylay bilmegen, Ómirlik joldasın sıylay bilmegen, Jigit ol adamnıń jamanı bolar (I.YUsupov).
— Ket, Amanlıq, meni sıylasań ket! (T.Qayıpbergenov).
2. Miyman, qonaq etip kútiw, xızmet etiw.
Miynet penen jandı qıynap, Kórmey bir kún qonaq sıylap, Ishpey-jemey maldı jıynap, Qashan ráxátlanadursań? (Berdaq).
Qumarxan bizlerdi jaqsılap sıyladı (SH.Seytov).
Aytpaqshı, búǵin dayısın ne menen sıylar eken (Ó.Ayjanov).
Bizlerdiń kishirek bala waqtımızda esigine «qudayı qonaqpan» dep kelgen adamdı tórge shıǵarıp, awqattan kesh kelse arnap qazan kóterip, qudayday sıylaytuǵın edi (M.Nızanov).