SÍRLAS
Qaraqalpaqsha
kel. Bir-birine sırların isenip aytıwshı, munlas, aqıllas, pikirles adam.
Biriń sińlim, biriń úlken kurdasım, burınnan-aq aqılgóyim sırlasım («Qırq qız»).
Sebebi, Xalmurattıń úsh qatını da bir-birine jarısıp, sırlas bolıp, oynas tutatuǵın edi (K.Sultanov).
Bir atıń telpekdur, bir atıń qurash, Zamanında kiyim bolǵanıń ıras, Túrli baslar menen sen bolıp sırlas, Talay asıwlardı astıń, shógirme (I.YUsupov).
Maman biy Amanlıq penen qansha joldas, qansha sırlas bolsa da, oǵan sır aytıp shaǵınbaǵan edi (T.Qayıpbergenov).
Sondıqtan, Oksananıń eń jaqın sırlası men, kúyip-pisse de maǵan shaǵınadı, kuwansa da birinshi maǵan aytıp, jas baladay ushıp-qonıp keledi (M.Nızanov).