SÍQÍLSÍZ
Qaraqalpaqsha
kel. SHıraysız, kelbetsiz, ajarsız.
Quslardıń ishinde mennen sıqılsız, mennen patas, jamanı joq (Q.Ayımbetov).
SHertkeni ele hámmenin, kuwanıshlı saz emes, Miynetin tereń tamırdıń, emshektey emiwshi, Sıqılsız qaram teris putaq, shınarda ele az emes (I.YUsupov).
Gileń jalańayaq, jalańbas, óskin shashlı, bet-awızları kir-kir, baltırları qara ǵarǵanıń tuyaǵınday, kiyimleri qus tútkendey sıqılsız balalar, bul dalada biyǵárez ósken xosh iyisli gúldey lázzet berip, Amandıqtıń júzi bult astınan shıqqan ayday birden jadıradı (T.Qayıpbergenov).