SÚZILIW
Qaraqalpaqsha
f. 1. Nazlanıw, sızılıw.
Sayımbet qızı Úzildik aldında xızmetker qızday suzildik (Ájiniyaz).
Esikten tawıs qustay ǵayrı naǵıshlanıp, naz etip, suzilip, sızılıp kirdi (K.Sultanov).
SHay keseni buǵan ala kózleri suzilip baǵıp otırǵan eńǵezerdey iri deneli jigitke emes, al Sálmenge uslatqanın ózi de sezbey qaldı (K.Kórimov).
2. SHarshaw, ayaw, uyqısı keliw, móleriw.
Jaynap, jawdırap turatuǵın kózi kishireyip suzileyin dedi (J.Aymurzaev).
Sóliyma eki baldaqqa súyenǵen pishinine, gellektey ayaǵına suzilip qarap, muńayǵan kelbet kórsetti (K.Sultanov).
Amanlıktıń eki iyini túsip, atta otırısı salpawsıp kózlerin iriń basıp suzilgen edi (T.Qayıpberǵenov).