SÚYGILIK
Qaraqalpaqsha
at. 1. Súygen adam, jaqsı kórgen adam.
— On tórtte otaw iyesi, Bayǵa bolsańız tiyesi, Súygilik yarga bárshesi, Xızmet etip turar, qızım (Berdaq).
Aysánem óz súygiligin - qostarın, ǵarrı jalǵız tırnaǵın — balasın joqlaydı!... (K.Sultanov).
Kewlimjay bayaǵısınsha: — Amanlıq, esittiń be, súygiligińdi jaw áketti, — dedi (T.Qayıpbergenov).
2. awıs. Oynas, nekesiz.
Alma álle birewdii súygiligi bolıp qalǵan ba degen bir suwıq sezim júregime orala ketti (Ó.Ayjanov).
Onı súygilik ushın emes, seniń aq sawsaǵın kúyege bılǵanıp qaraymasın dep aldım (K.Sultanov).
Xan basqa súygiliklerinen bunday sóz esitpegeni ushın ba, ya burınnan esitilip júrse de, aqıllı, názik qızdı kózi qıymaǵanınan ba, jáne dastıqqa jıǵıp: — Xázirshe bola bereseń, — dedi (T.Qayıpbergenov).