SÚRTIW
Qaraqalpaqsha
f. 1. Tazalaw, sıpırıw.
Palwan furajkasın alıp, kózin qol oramalı menen súrtti (Ó.Ayjanov).
Kempir oń qolınıń bastan tete barmaǵı menen kóziniń kirpiklerin súrtip, gúrsinip ornınan súyretilip turdı (K.Sultanov).
Polat minezli sol adamnıń kózlerin alma-gezek súrtip turǵanınıń ústine kelip, tabanın shegelegendey sárriydi (T.Qayıpbergenov).
Divan krovattıń ústine takdawı menen turǵan bet-qol sıpıratuǵın, ayaq súrtetuǵın, juwınatuǵın súlgi, kópshik qap, prostina hám odeyalo qaplardı tasladı (M.Nızanov).
2. Jaǵıw, ısqılaw.
Jalańayaq may topıraqtı shańǵıtıp, Barlıq soqpaǵıńnan juwırar edim, Burqıp aqqan ılay suwın Ámiwdin, Júzlerime súrtip, juwınar edim (I.YUsupov).
Muǵallimniń úyretiwi boyınsha ǵana áweli qollarıma, soń betime, moynıma, basıma súrte basladım (T.Qayıpbergenov).
3. awıs. Jumsaw, paydalanıw.
Mútájge súrt, sarp etpegil basqaǵa (Á.SHamuratov).