SÚŃGIW
Qaraqalpaqsha
f. 1. Suwǵa batıw, shúmiw.
Bir waqıtta Bóribay suwǵa súńgip joq bolıp ketti (A.Bekimbetov).
Attıń jal kuyrıǵı suwǵa súńgip shıqqanday sabalaq-sabalaq sobıqlasıp qalǵanına qaraǵanda shabarman jasawıldı kóriwden dalbay qaǵıp shaba bergen (K.Sultanov).
Qız suw shashıp qashar, jigit kuwalar, Júzǵe sharp-sharp tiyer suw monshakdarı, Jigit súńgip kelip qushaqlap alar, Dárya bolıp aǵar kówil qumarı (I.YUsupov).
Jas balaǵa shekem qast etse, qısında úki oyıp, ilme menen, jazında suw astına súńgip-aq birli-yarım balıq tutıwına imkaniyat bar (T.Qayıpbergenov).
2. awıs. Kiriw, suǵılısıw, aralasıw.
Ayımjamal alamannıń ishine súńgip ketti (Ó.Xojaniyazov).
Kele sala otawdıń awzındaǵı jigit penen ǵúrrińlesip ishke súńgip kirdi (K.Sultanov).
Watanımnıń tawlarınıń shıńında, Suńqar qustay palapanın túletken, Súńgiy bilsin dep ushırar dawılǵa, Jónelterde shayır seni júrekten (I.YUsupov).
Úlken ulı Ubaydulla sultan súńgip kirdi (T.Qayıpbergenov).
Ol ishkerige súńgip kirdi (K.Kárimov).