SÁRKARDA
Qaraqalpaqsha
at. (p.
— basshılıq etiwshi, ásker bası).
Basshı, sárdar, jolbasshı.
Aybatlanǵan sárkardası qırq qızdıń, Az da bolsa aytatuǵın sózim bar («Qırq qız»).
Súyip-súyip qábir tasın, Tumaris ornınan turdı, Jıynap barlıq sárkardasın, Tan atqansha keńes qurdı (I.YUsupov).
Biraq, erksiz aqqan kóz jasları qanǵa aralasıp, betin juwıwı menen, Maman biydiń sárkardalıǵında awıldan topar-topar shıǵıp baratırǵan atlılarǵa qosılǵan eri kózden ǵayıp bolǵansha qozǵalmay, aq jawlıǵınıń shashaǵı menen qosıla, mayda burımları samal epkinine jelkildegen qalında, balasın qushaklap qatıp qaldı (T.Qayıpbergenov).