TABÍW
Qaraqalpaqsha
f. 1. Joǵalǵan zatqa jolıǵıw.
Onı kútpegen jerden bir tanısı tabıla ketip, onı rayonǵa alıp ketti (Ó.Ayjanov).
Sóz júyesin tapsa, mal iyesin tabadı (qq.x.n.).
Qaraqumda suw tabıw, elge jetiw ańsat emes edi (T.Qayıpbergenov).
Hasıldıń tastan, aqıldıń jastan shıǵatuǵınıń ózi aytıp, áziz xanımız, jas jigitlerdi sınap, erteńgi el aǵasın izlep tabıwǵa másláhát berdi (T.Qayıpbergenov).
2. Miynet xaqı alıw, kiris, tabıs kirgiziw.
Tabıs shep bolǵan joq, eń áwele úyiniń kemis ketigin toltırdı (Ó.Ayjanov).
3. Izlew, qarastırıw.
Oylap tabıw — bir jańalıq ashıw.
Oylap tabıwshı — Ózbekstannıń oylap tabıwshı hayalları orayı tárepinen «Ózbekstan xayallarınıń 100 eń jaqsı innovatsiyalıq joybarı» I II respublikalıq tanlawınıń juwmaqlawshı basqıshı ótkerilmekte (N.Usmanova).
Maqul dep tabıw — qosılıw, xoshkóriw.
Tilin tabıw — tetigin, sırın, ádisin biliw.
Qaza tabıw — óliw, qaytıs bolıw, jan beriw.
Aqıl tabıw — bir istiń durıs sheshiliw usılın biliw, qıyınshılıqtan qutılıw.
Tawıp aytıw — orınlı durıs sóylew.
Mal tabıw — payda keltiriw, miynet xaqı alıw.
Teńin tabıw — ózine qolay jubay tabıw.
Babın tabıw — qálegen tilegin orınlaw.