TOLÍW
Qaraqalpaqsha
f. 1. Bir nárseniń ishi zatka tolı bolıwı.
Onıń bir ójiresi kitapqa toldı (J.Aymurzaev).
2. Yoshlanıw, jetiliw, ırza bolıw.
3. awıs. Belgili bir jasqa tolıw, shıǵıw, eseyiw, jetiliw, úlkeyiw, kamalına keliw.
Aytbaydıń balasınıń jası jetige tolıp mektepke oqıwǵa bardı.
(«Jetkinshek» g.).
Kókiregi sherge tolıw — dárt bolıw, qayǵılanıw, qapalanıw.
Nurekeń óz qolı menen kurısqan kolxozın oylaǵanda, kókiregi sherge toldı (Ó.Ayjanov).
Kewil tolıw — qayıl bolıw, kuwanıw.
Kewlim tolıp bir sezimge, Súwret turǵan jerge bardım (I.YUsupov).
Kewli tolıp mákkelerdi aralap, Gúlziyrası mıyıq tarttı kúlimlep (T.Seytjanov).
Tolıp-tasıp — a) oǵada kóbeyiw, tasıw.
Ámiwdárya tolıp-tasıp aqsa da, Boyında otırıp shóllegen edik (I.YUsupov), b) kewilleniw, jigerleniw, yoshlanıw.
Ámiwdárya tolıp tasqan, Mol ǵáziynege tilegim bar (I.YUsupov).
El kúshine ırza bolıp, Tolıp-tastım quwanǵanda (J.Aymurzaev).