TOQ
Qaraqalpaqsha
kel. 1. Ishetuǵını, jeytuǵını, kiyetuǵını hám basqa da kerekli zatları mol, awqatlı adam.
Ash adam ne jemeydi, Toq adam ne demeydi (qq.h.n.).
Bekpannıń balalarınıń tamaǵı toq ǵoy, olardıń bizlerdey káyǵısı joq ǵoy.
2. Awqatlanǵan, nárlengen, tamaǵı toyǵan.
Naz bedewler juwıra almas toǵınan, Kudayım saqlagay jalın shoǵınan («Máspatsha»).
0 Toq eterin aytı — gápti sozbay, bolar jerin aytıw.
Toq eterin ayt, shıraǵım? Ol muǵallim menen gáplesip otırıp, gáptiń toq eterin ayttı (Ó.Ayjanov).
Toq-toq, toq-toq etkiziw, toq ishek, toq turmıs, toq qarın.