XABAR
Qaraqalpaqsha
at. 1. Birewge, bir nársege yaki bir xádiyse xakqındaǵı maǵlıwmat, jańalıq.
Jaqında paytaxtımızdaǵı 37-sanlı qánigelestirilgen mámleketlik ulıwma bilim beriw mektebi oqıwshılarınıń jetiskenlikleri xaqqındaǵı xosh xabardı esitip quwandıq («EQ» g.).
2. Dańq, ataq.
Usı jaslarına kelip Gúlayım, Dúnyanıń júzine tústi xabarı («Qırq qız»).
3. Birew tárepinen tapsırılǵan, jetkerilgen, jazılǵan xat.
Hár urıwǵa xabar saldı, Qońır at minip Mayqı keldi, ... (Berdaq).
4. Maqala, informatsiya.
Qaraqalpaqstan xabar agentliginiń sholıwshısı («EQ» g.).
5. Qatnas, baylanıs.
Órt payda bolǵanda tezlik penen «101» telefon nomeri arqalı órt qáwipsizligine xabar beriń («EQ» g.).
6. Birewdiń turmısı, jaǵdayı, xalı xaqqında.
Respublika hám rayon basshıları bolsa, xár jıl sayın aymaqdarda mal qıslatıw mapazına tayarlıqtıń barısı menen tanısıw maqsetinde, olardıń xal-jaǵdayınan xabar alıp, shopanlar ushın kerekli bolǵan azıq-awqat, kiyim-kensh ek hám ot-jem menen támiyinlew ilajların kóredi («EQ» g.).
7. Jar, dawırıq.
Qasına jarshı alsań da, Jaxanǵa xabar salsań da, ... (Berdaq).
8. Bir nárse xaqqında biliw, maǵlıwmatqa ie bolıw.
Xabarıń bar dáwir kózqarasınan, Tóbeńe názer sal tal arasınan! (I.YUsupov).
9. Deregi.
Toy xabarın esitip, Bular da keldi bul toyǵa ... («Er Ziywar»).
10. lingv.
Gáptiń iesi xaqqında qabar etetuǵın qám grammatikaǵa baǵınatuǵın bas bólegi.
11. awıs. Durıslı anıqtanbaǵan sóz, mısh-mısh gápler.
«Tuwılar jańa dala Danteleri», — Degen xabar barday otırısında... (I.YUsupov).
0 Xabar-atar - maǵlıwmat.
Xabar-atar bolmaw - dáreksiz, biymálim.
Úmit etken jaqsılıqtan da xabar-atar bolmay qaldı (Q.Irmanov).
Xabar gáp - lingv.
gáptiń xabarlı túri.