XOSH III
Qaraqalpaqsha
t.s. 1. Birewdiń sózin maqullaw, tańdanıw mánisindegi qollanılatuǵın tańlaq sóz.
2. YAqshı, maqul, durıs.
Xosh, kópten beri dáreksiz júrgen awıldıń bir jigitlerinen xat kelip bir jasap qaldıq (Ó.Xojaniyazov).
0 Xosh hawaz — hawazlı, dawısı, jaqsı, júdá jaǵımlı dawıs, aytqısh.
Xosh hawazıń tal jipektey suwdırap, Lapızınday shayqatılǵan qobızdıń (Q.Sultanov).
Xosh iyis — jaqsı iyis.
Ol awzın ashıp, esnep, xosh iyisli azanǵı hawadan tereń demin aldı (A.Bekimbetov).
Xosh bolıw — maqul kóriw.
Al dese, xosh bolar kewli moldanıń, Ber dese, tárip eter hámirin Allanıń (Ájiniyaz).
Xosh keliw — waqtında keliw, júdá jaqsı keliw.
Xosh keldińiz, dedi Ayshagúl jaqındasıp qızlarǵa (Ó.Xojaniyazov).
Xosh kóriw — unatıw, jaqsı kóriw.
Eger kewliniz xosh kórse onı alıp kelemen,... (A.Bekimbetov).
Kewli xosh — yoshlı, más.
Zawıq etpedi zalımdar kewlimniń xoshın, Jedik bárha baydıń dúmpishin, mushın (Átesh).
Waqtı xosh — júdá kewilli, júdá más.
Ráwshannıń oǵada waqtı xosh (J.Aymurzaev).
Xosh qılıqtı — quwanıshlı, kewilli.
Qálem qaslı xosh qılıqlı nigarım, Zarıǵıryan etti nege kelmedi (Ájiniyaz).