QAS II
Qaraqalpaqsha
kel. Birewge jamandıq oylawshı, dushpan, jaw, óshpenli, zıyankes.
Xiywalı menen qas bolsh, Xojanazar batır bas bolıp (Berdaq).
Óz elimde qas dushpanǵa batırmız, xesh talap joq bizler úyde jatırmız (Omar).
0 Qas bolıw — óshpenli bolıw.
Xandı quday ǵarǵasa, qarashası menen qas bolar (QQ.X.N.M.).
Qas etiw — dushpan etiw.
Ómir uzaq qızıqǵırıp más etip, Tatıwlıqqa, ozbırlıqtı qas etip (T.Seytjanov).
Qasem etiw — ant etiw, ójetlesiw, sózinde turıw.